Daawo Sawiro: Qalanjo Si fudud ku Curyaantay Iyado xiranayd kabo Dhaadheer.

Gemma Flanagan: Kabo Lix Hiish Cidhibtoodu Tahay Oo Ay Xidhan Jirtay ayaa ka dib markii ay muddo dheer Xaflad Ay Las Vegas Kaga Qayb Gashay Taagnayd Ay Mar Qudha Istaaga Ka Dhacday.

Gabadh Gashaanti ah oo u dhalatay dalka Ingiriiska, oo shaqaale diyaaradeed ah, ayaa kabo cidhibtoodu dheer tahay oo ay xidhan jirtay, sababeen inay ka curyaanto labada lugood, taas oo sida la sheegay ay ka qaaday xanuun dhif iyo naadir ah oo naafeeya dadka.

Gemma Flanagan oo sagaal iyo labaatan jir ah, ayaan iyadu wax cilmi ah ka haysan dhibaatada caafimaad ee ay u horseedi karaan kabo aad cidhibtoodu u dheer tahay oo ay xidhan jirtay, waxaana sida ay sheegtay markii ugu horeysay ee la haleelay ahayd mar ay xaflad ka dhacaysay Las Vegas habeen dhan meel dibad ah taagnayd iyada oo xidhan kabo cidhib dheer.

Sida ay tilmaantay wakhtigaas wax xanuun ah may dareemin, laakiin waxa si ka dis ah loogu soo booday markii ay diyaarada raacday, wakhtigaas oo ay dareentay xanuun iyo garaac lugaha ka haya, balse waa ay iska sii wadatay hawsheeda ilaa ay ka gaadhay gurigooda oo ku yaala magaalada Liverpool.

Gabadhan ayaa iyada oo shaqo tagaysa oo ku socota madaarka wayn ee Heathrow, mar kaliya lagu soo booday oo inta labada, lugood sida irbada oo kale looga gujiyay ay mar kaliya istaaga ka duushay oo ay dhulka ku dhacday, xiligaas oo sida ay sheegtay ay hadal iyo dhaqaaq midna awoodi kari wayday.

Flanagan ayaa ka warantay sidii xaaladeedu mar kaliya u gaadhay meel halis ah, iyada oo xustay in ay kala garashadu ka tagtay, labada lugoodna bakhti noqdeen laakiin lagu muday irbad lagaga dhuftay laf dhabarta, taas oo dhakhaatiirtu ku garowsadeen xanuunka haleelay.

Xaalada nafo ee sida deg deg ah ula soo deristay gabadhn oo lagu magacaabo, (Guillain-Barre Syndrome), ayaa ah sida dhakhaatiirtu sheegeen, Xanuunada aadka ugu yar dunida oo kontonkii kun ee qofba laga yaaba inay qof ku dhacdo, taas oo sababi karta in si kama danbays ah loogu curyaamo ama si dhif iyo naadir ah looga kaco.

Gabadhan ayaan iyadu wax figrad ah ka haysan in dhibaato caafimaad oo ilaa heerkan gaadhsiisan ay kabaha cidhibtoodu dheer tahay ku keeni doonto, laakiin waxa sida ay sheegtay ay aad ugu faraxsan tahay, musjisada rabaaniga ah ee mar labaad ay dib lugaheedi ugu soo noolaadeen, kuwaas oo wallow aanay sidoodi hore ugu istaagi karin ay haddana iyada oo biro ku boodaysa aad ugu faraxsan tahay.